🌷🙏गुरु ध्याई गुरु ध्याई गुरु परते सार नाहीगुरु सेवेचा संकल्प तेची माझी पूर्ण तपगुरु चरणीची रजधूळी तेची तीर्थाची अंघोळीकेले सद्गुरु चे भजन तेची माझे अनुष्ठानलिंगेश्वर सांगे वर्म गुरु तोची परब्रम्ह…गुरु गुरु म्हणजे ” गु ” म्हणजे गुणाच्या पलीकडे आणि “रू ” म्हणजे रूपाच्या पलीकडे असणारे म्हणजे गुरु होय.आता गुरु हे अष्टावरणातील पहिले आवरण आहे.गुरूंना देवा पेक्षाही श्रेष्ठ मानली आहे कारण देव आपल्याला कधी सहज भेटू शकत नाही पण गुरु हे आपल्याला सन्मार्गाने चालायला शिकवतात आणि गुरु दीक्षा देऊन एका प्रकारे आपले रक्षण करतात देवापर्यंत पोहोचण्याचा मार्ग म्हणजे गुरु होय.

🌷गुरु ध्याई गुरु ध्याई गुरु परत ते सार नाही म्हणजे गुरुचे ध्यान करा गुरुचे ध्यान करा कारण गुरु शिवाय या जगात काहीही श्रेष्ठ नाही जसं की वरी सांगितल्याप्रमाणे देवा पेक्षाही गुरुला श्रेष्ठ मानले आहे.

🌷गुरु सेवेचा संकल्प तेची माझे पूर्ण तप म्हणून गुरुची सेवा करावी असा आपण दृढ निश्चय केला तर काय होते तर तेच एक पूर्ण तप आहे असं या अभंगात सांगितले आहे कारण गुरुची सेवा करणे त्याच्यामध्येच आपल्याला परब्रम्हची प्राप्ती होते. कारण आपण गुरुची सेवा ही पण निस्वार्थपणे केली पाहिजे म्हणूनच आपले आचरण चांगले पाहिजे आणि आपण वीरशैवांचे आष्टावरण आहे त्याचे आपण पालन केले पाहिजे त्याप्रमाणे आपण वागले पाहिजे म्हणूनच काय म्हणतात मन्मथ शिवलिंग म्हणे आचरण हेचि अष्टावर्ण वीरशैवा.

🌷पुढे, गुरु चरणीची रज धुळी तेची तीर्थाची आंघोळी केले सद्गुरु चे भजन तेची माझे अनुष्ठान लिंगेश्वर सांगे वर्म गुरुत्वाची परब्रम्ह….
म्हणजे इथं काय म्हटलं आहे की गुरुच्या पायाची धूळ आपल्या अंगावर घेतली तर ते मला काय होते तीर्थस्थान झाल्यासारखे होते आणि सद्गुरु चे भजन करणे हेच माझी काय आहे धर्म करते आहे म्हणून लिंगेश्वर पण काय म्हणतात की गुरु हाच प्रत्यक्ष परब्रम्ह आहे आणि हेच माझे अनुष्ठान आहे मी गुरुची सेवा करतो हीच माझी अवस्था आहे म्हणजे काय तर गुरुची जी थोरवी आहे म्हणून ती करणे हीच काय आहे ईश्वर भक्ती आहे.

म्हणूनच म्हटले आहे गुरु आणि लिंग जंगमाची सेवा देई मज देवा जन्मोजन्मी.