कै दत्तात्रय आनंदराव पाटील बेंद्रीकर अल्पशा आजाराने निधन अंत्यविधी दिनांक 22/8/2025 रोज शुक्रवार त्यांच्या शेतात होणार आहे त्यांच्या पश्चात तिन भाऊ दोन मुले दोन मुली नातु पंतु असा त्याचा परीवार आहे शोकाकुल समस्त गावकरी मंडळी पाटील परीवार बेंद्री भोस्कर परीवार यांच्या वतीने भावपुर्ण श्रद्धांजली 💐🙏🙏🙏💐💐💐 | Shiv Warta News

BREAKING NEWS

*दर्शन झाल्यानंतर मंदिराच्या पायऱ्यांवर किंवा ओट्यावर थोडा वेळ का बसतात?*आपल्यापैकी बऱ्याच जणांना आपल्या वयस्क किंवा वडीलधाऱ्या लोकांनी कधीतरी सांगितलेलं असेलच की मंदिरात दर्शनाला गेल्यानंतर दर्शन करून लगेच निघू नये मंदिरात काही वेळ बसायला पाहिजे.परंतु तुम्हाला माहिती आहे का या परंपरेमागचं मूळ कारण काय आहे?आजकाल काही लोकं दर्शनाला जातात आणि वडीलधाऱ्यांनी सांगितल्याप्रमाणे पायऱ्यांवर बसतात आणि तिथं बसून व्यावसायिक किंवा राजकीय चर्चा सुद्धा करतात.परंतु ही प्राचीन_परंपरा एका विशिष्ट उद्देशासाठी बनवली गेली होती. वास्तविक पाहता आपण सर्वांनी दर्शन घेऊन निघताना किं श्लोक म्हणायला हवा, जो आजकाल बहुतांश लोकांना माहित नाही.आपल्या माहितीसाठी तो श्लोक सांगत आहे तुम्ही नक्की वाचा व इतरांनाही सांगाश्लोक पुढीलप्रमाणे:-*अनायासेन मरणम्, विना दैन्येन जीवनम् ।**देहांते तव सानिध्यम्, देहि मे परमेश्वरम् ।।*या श्लोकाचा अर्थ असा आहे की,*अनायासेन_मरणम्*अर्थात, माझा मृत्यू कोणत्याही पिडे विना म्हणजे त्रासदायक अवस्थेत होऊ नये आणि मी कधीही आजारी होऊन, एका जागेवर पडून त्रासदायक अवस्थेत कष्ट उचलून होऊ नये. माझा मृत्यू अगदी चालत-फिरत असतानाच्या अवस्थेत व्हावा.*विना_देन्येन_जीवनम्*अर्थात, माझं जीवन हे सक्तीचं जीवन नसावं, म्हणजे मला कधी कोणाच्या आश्रयाची आवश्यकता पडू नये. जसं की अर्धांगवायू झाल्यानंतर माणूस इतरांवर अवलंबून राहतो, तसं माझं जीवन लाचार बनू नये आणि ईश्वराच्या कृपेने माझं आयुष्य विना भिक्षेचं निघून जावं.*देहांते_तव_सानिध्यम्*अर्थात, मला जेव्हा पण मृत्यू येवो तेव्हा तो मी परमेश्वराच्या समोर असतानाच येवो. जसं पितामह भीष्म यांच्या मृत्यूवेळी भगवान श्रीकृष्ण त्यांच्या समोर जाऊन उभे राहिले होते आणि त्यांचं दर्शन झाल्यानंतरच भीष्मांचा मृत्यू झाला होता.*देहि_मे_परमेश्वरम्* अर्थात हे परमेश्वरा मला असं वरदान दे. (वरीलप्रमाणे जे मागितलं आहे ते)प्रार्थना करताना वरीलप्रमाणे करा आणि लक्षात ठेवा की देवाकडे धन-दौलत, गाडी-बंगला वगैरे मागू नये. कारण त्या व्यक्तीच्या कर्तृत्वानुसार हे त्याला मिळत असते. आपल्याला आपल्या पात्रतेनुसारच देत असतो. यामुळे देव दर्शनानंतर अशीच प्रार्थना करा. आणि ही प्रार्थना आहे, याचना नाही हे लक्षात ठेवा. याचना ही सांसारिक गोष्टींसाठी असते, जसं की धन, घर, व्यापार, नोकरी, संतती सांसारिक सुख किंवा अन्य गोष्टी ही आहे याचना.प्रार्थना म्हणजे निवेदन….
🌷🙏गुरु ध्याई गुरु ध्याई गुरु परते सार नाहीगुरु सेवेचा संकल्प तेची माझी पूर्ण तपगुरु चरणीची रजधूळी तेची तीर्थाची अंघोळीकेले सद्गुरु चे भजन तेची माझे अनुष्ठानलिंगेश्वर सांगे वर्म गुरु तोची परब्रम्ह…गुरु गुरु म्हणजे ” गु ” म्हणजे गुणाच्या पलीकडे आणि “रू ” म्हणजे रूपाच्या पलीकडे असणारे म्हणजे गुरु होय.आता गुरु हे अष्टावरणातील पहिले आवरण आहे.गुरूंना देवा पेक्षाही श्रेष्ठ मानली आहे कारण देव आपल्याला कधी सहज भेटू शकत नाही पण गुरु हे आपल्याला सन्मार्गाने चालायला शिकवतात आणि गुरु दीक्षा देऊन एका प्रकारे आपले रक्षण करतात देवापर्यंत पोहोचण्याचा मार्ग म्हणजे गुरु होय.
🌷वीरशैव तत्वज्ञान🌷भस्म
यथाऽनौ दाहकत्वं च यथा क्षीरे घृतं स्थितम् । यथा तिले स्थितं तैलं सर्वस्थाने तथा कला ।।३।।ज्याप्रमाणे अग्नीत जाळण्याचा गुणधर्म असतो, दुधात तूप असते, तिळात तेल असते, त्याचप्रमाणे सर्व ठिकाणी ‘कला’ (दैवी शक्ती किंवा चैतन्य) वास करते.तेविं भजन नित्य नित्य चढतां । शिवत्वाच्या माध्यान्हीं येत तत्त्वतां । मग त्याकडे सर्वथा । कळिकाळ पाहूं न शके ।।३०।।त्याचप्रमाणे, नित्यनेमाने भजन (नामस्मरण/भक्ती) केल्याने साधक हळूहळू ‘शिवत्वा’च्या (परमेश्वराच्या/मोक्षाच्या) जवळ पोहोचतो. मग त्याच्याकडे कळिकाळ (मृत्यू किंवा वाईट शक्ती) कधीही पाहू शकत नाही.मग चित्त चैतन्य तत्त्वतां । होवोनि ठाकै ।।३१।।नंतर साधकाचे चित्त (मन) खरोखरच चैतन्यमय (ईश्वरी ऊर्जेने भरलेले) होते आणि स्थिर होते.निमिषोनिमिषीं भजतां । तो सुख चढतसें चित्तां। आच्छादूनि कांहीं ना बाही। पाणी चालें अमाप ।।३२।।प्रत्येक क्षणी भजन केल्याने चित्ताला (मनाला) सुख वाढत जाते. हे असे असते जसे की वरून काही दिसत नसले तरी आतून अमाप पाणी वाहत असते (भक्तीचा ओघ अविरत चालू असतो).नदी चढतां तरी दिसत नाहीं। परि चढतां भेदी दरडिया पाही ।नदीची पातळी वाढताना वरून लगेच दिसत नाही, पण वाढल्यावर ती काठ फोडून वाहू लागते (भक्तीची शक्ती आतून वाढते).तेविं निमिर्षे भजन दिसें थोडे। परि संतोषं चढतां होय गाढें। तेणें भजर्ने परमात्मा आंतुडे। मा ज्ञान बापुडें न यें केविं ।। ३२ ।।त्याचप्रमाणे, क्षणोक्षणी केलेले भजन वरकरणी थोडे दिसते, पण त्यामुळे मिळणारा संतोष (समाधान) खूप गाढ (खोल) असतो. त्या भजनाने परमात्मा (देव) प्राप्त होतो, तर मग ज्ञान (माहिती) का बरे प्राप्त होणार नाही? (ज्ञान सहजच प्राप्त होते).
*संत शिरोमणी मन्मथ स्वामी यांचा एक अभंग*शिवतोचि देव येरते सेवक ॥ विष्णु ब्रह्मादिक सुरासुर ॥ १ ॥महादेव ऐसें जया असे नांव ॥येथें अभिप्राय तोचि असे ॥२ ॥वेदशास्त्रें आणि पुराणें बोलती ॥ सर्वांसी पशुपती वंद्य जाणा ॥ ३ ॥ऐसा सनकादिकीं केलासे निश्चिय ॥सर्वांसी तो ध्येय उमाकांत ॥ ४ ॥मन्‍मथ म्हणे शिव सगुण निर्गुण ॥ असे परिपूर्ण अविनाश ॥ ५ ॥*अर्थ*या अभंगामध्ये मन्मथ स्वामी सांगतात की, खरा देव फक्त शिवच आहे, आणि बाकी सर्व देवता त्याच्या सेवकांसारख्या आहेत. विष्णू, ब्रह्मदेव तसेच देव-दानव सुद्धा शिवाची उपासना करतात. वेद, शास्त्र आणि पुराणेही हेच सांगतात की सर्वांनी वंदन करण्यासारखा देव म्हणजे पशुपती (शिव) आहे. सनकादिक ऋषींनीही हे सत्य निश्चित केले आहे की सर्वांचे अंतिम ध्येय उमाकांत आहे. मन्मथ स्वामी म्हणतात की, शिव हा सगुणही आहे, निर्गुणही आहे, आणि तो पूर्ण, अविनाशी व शाश्वत आहे.
संत शिरोमणी मन्मथ स्वामी यांचा एक अभंग
शरण जीवन दर्शन.
💐प्रथम पुण्यस्मरण व शिवलिंग प्राणप्रतिष्ठापना🙏
💐प्रथम पुण्यस्मरण व शिवलिंग प्राणप्रतिष्ठापना🙏
जय शिवा प्रतिवर्षा प्रमाणे यंदाही श्री क्षेत्र कपिलधार ता.जि. बीड येथे कार्तिक शुध्द्ध पोर्णिमा निमित्त होत असलेल्या २४ शासकीय महापुजा व शिवा संघटनेच्या ३० व्या राज्यव्यापी मेळाव्यानिमित्त होणाऱ्या भव्य कार्यक्रमाची बातमी आपल्या लोकप्रिय दैनिकात /वृत्तवाहिनीवर प्रकाशित करून सहकार्य करावे ही नम्र विनंती.आपला नम्रप्रा. मनोहर धोंडे संस्थापक तथा राष्ट्रीय अध्यक्ष, शिवा संघटनाप्रेस नोट’मान्यवरांच्या उपस्थितीत श्री क्षेत्र कपिलधार येथे शिवा संघटनेच्या ३० व्या राज्यव्यापी मेळाव्याचे आयोजन’ ‘श्री क्षेत्र कपिलधार येथे ५ नोव्हेंबरला शासकीय महापुजा व शिवा मेळाव्यास उपमुख्यमंत्री अजितदादा सह मान्यवर उपस्थित राहणार ‘ -प्रा. मनोहर धोंडे(प्रतिनिधी दि.३०) :- शिवा अखिल भारतीय वीरशैव लिंगायत युवक संघटनेच्या वतीने प्रतिवर्षी कार्तिक शुध्द पौर्णिमेच्या निमित्त श्री क्षेत्र कपिलधार, ता. जि. बीड येथे होणाऱ्या यात्रेमध्ये ‘शासकीय महापुजा’ व ‘भव्य राज्यव्यापी वार्षिक मेळावा’ आयोजित केला जातो. सन १९९६ पासुन राज्यव्यापी मेळावा आणि सन २००२ पासुन श्री क्षेत्र कपिलधार येथील संत शिरोमणी मन्मथ स्वामी यांच्या संजिवन समाधिची शासकीय महापुजा बीडचे पालकमंत्री, जिल्हाधिकारी, धर्मगुरु व शिवा संघटनेचे पदाधिकारी यांच्या हस्ते दुपारी ४.०० वाजता करण्याची परंपरा असुन मागील २५ वर्षापासुन शासकीय महापुजा तर मागील ३० वर्षापासुन शिवा संघटनेचा राज्यव्यापी मेळावा आयोजित केला जातो. त्यामुळे यंदाही दि. ०५ नोव्हेबर २०२५ रोज बुधवारी दुपारी ठिक ४.०० वाजता २४ वी शासकीय महापुजा आणि शिवा संघटनेचा ३० वा राज्यव्यापी वार्षिक मेळावा आयोजीत केला आहे. या मेळाव्याच्या निमित्ताने शिवा संघटनेच्या वतीने राष्ट्रीय स्तरावरील विविध क्षेत्रातील लिंगायत समाजाच्या मान्यवरांना ‘शिवा राष्ट्रीय भुषण पुरस्कार’ जाहिर करुन, सन्मान चिन्ह व सन्मान पत्रासह मान्यवरांच्या हस्ते त्यांचा शाल, श्रीफळ देवुन यथोचित सत्कार करण्यात येणार आहे. देशातील वीरशैव लिंगायत समाजात अत्यंत प्रतिष्ठेचा समजल्या जाणाऱ्या शिवा संघटनेच्या या मेळाव्यासाठी आणि शासकीय महापुजेसाठी पालकमंत्री तथा उप मुख्यमंत्री मा. ना. अजितदादा पवार, मा. ना. पंकजाताई मुंडे, मा. ना. अतुल सावे, माजी मंत्री मा. आ. धनंजय भाऊ मुंडे, माजी विरोधी पक्ष नेते मा. आ. विजयभाऊ वडेट्टीवार, शिवा संघटनेचे संस्थापक तथा राष्ट्रीय अध्यक्ष प्रा. मनोहर धोंडे व अनेक गुरुवर्य यांच्यासह शिवा संघटनेचे राष्ट्रीय व राज्य पदाधिकारी हे उपस्थित राहणार आहेत.शिवा- अखिल भारतीय वीरशैव लिंगायत युवक संघटनेच्या वतीने सन १९९६ पासुन म्हणजेच शिवा संघटनेच्या स्थापनेपासून प्रतिवर्षी कार्तिक शुध्द पोर्णिमेच्या दिवशी वीरशैव लिंगायत समाजाचे श्रध्दास्थान असलेले श्रीक्षेत्र कपिलधार ता. जि. बीड येथे शिवा संघटनेचा राज्यव्यापी वार्षिक मेळावा आयोजित केला जातो. त्यानिमीत्ताने सुमारे ५ ते ६ लाख वीरशैव लिंगायत समाज बांधव दर्शनासाठी व शिवा संघटनेच्या राज्यव्यापी मेळाव्यासाठी पायी दिंड्या आणि वाहन रॅलीच्या माध्यमातुन उपस्थित होत असतात.शिवा संघटनेच्या मागणीनुसार पंढरपुर प्रमाणेच श्रीक्षेत्र कपिलधार ता. जि. बीड येथे लिंगायत संत, श्री संत शिरोमणी मन्मथ स्वामी यांच्या संजिवन समाधीची प्रतिवर्षी कार्तिक शुध्द पोर्णिमेच्या यात्रेनिमित्त महाराष्ट्र शासनाकडून शासकीय महापुजा सन २००२ पासुन करण्यात येत आहे. सदरची महापुजा शिवा संघटनेच्या मागणीनुसार व लोकनेते कै. गोपीनाथराव मुंडे यांच्या आग्रहावरुन तत्कालीन मुख्यमंत्री कै. विलासराव देशमुख यांनी सन २००२ पासुन सुरुवात केली आहे. त्यानुसार तत्कालीन उपमुख्यमंत्री कै. आर आर पाटील यांच्या अध्यक्षतेखाली दि. ०६ सप्टेंबर २००७ आणि दि. १४ मार्च २००८ रोजी मंत्रालयात शिवा संघटनेच्या सोबत संपन्न झालेल्या बैठकीत श्री क्षेत्र कपिलधार ता. जि.बीड येथे प्रतिवर्षी कार्तिक शुध्द पौर्णिमेनिमीत्त होणाऱ्या यात्रेत कार्तिक शुध्द पोर्णिमेच्या दिवशी दुपारी ठिक ४.०० वाजता महाराष्ट्र शासनाच्या वतीने मा. मुख्यमंत्री किंवा किमान बीड जिल्ह्याचे पालकमंत्री व जिल्हाधिकारी यांनी शासकीय महापुजा करावी असे ठरले आहे. त्यानुसार यंदाही संत शिरोमणी मन्मथ स्वामी यांच्या संजिवन समाधिची शासकीय महापुजा करण्यासाठी मा. मुख्यमंत्री, दोनही उपमुख्यमंत्री व इतर मंत्री महोदयासह मान्यवरांना निमंत्रण दिलेले आहे.त्यानुसार यंदाच्या २४ व्या शासकीय महापुजेसाठी व शिवा संघटनेच्या ३० व्या राज्यव्यापी मेळाव्यास मार्गदर्शन करण्यासाठी पालकमंत्री तथा उप मुख्यमंत्री मा. ना. अजितदादा पवार, मा. ना. पंकजाताई मुंडे, मा. ना. अतुल सावे, माजी मंत्री मा. आ. धनंजय भाऊ मुंडे, माजी विरोधी पक्ष नेते मा. आ. विजयभाऊ वडेट्टीवार, शिवा संघटनेचे संस्थापक तथा राष्ट्रीय अध्यक्ष प्रा. मनोहर धोंडे व अनेक गुरुवर्य यांच्यासह शिवा संघटनेचे राष्ट्रीय व राज्य पदाधिकारी हे उपस्थित राहणार आहेत.त्यामुळे प्रति वर्षा प्रमाणे यंदाही श्री क्षेत्र कपिलधार ता. जि. बीड येथे यावर्षीचा शिवा संघटनेचा ३० वा राज्यव्यापी मेळावा व २४ वी शासकीय महापुजा दि. ५ नोव्हेबर २०२५ रोज बुधवारी दुपारी ठिक ४.०० वाजता संपन्न होणार असल्यामुळे महाराष्ट्रासह देशभरातील शिवा संघटनेचे पदाधिकारी, कार्यकर्ते, वीरशैव लिंगायत समाज बाधव आणि बहुजन समाज बांधवानी ढोल ताश्याच्या गजरात जय शिवाचा नारा देत हजारोंच्या संख्येने श्री क्षेत्र कपिलधार येथे उपस्थित रहावे असे आवाहान शिवा संघटनेचे वतीने करण्यात येत आहेअसे शिवा संघटनेचे संस्थापक तथा राष्ट्रीय अध्यक्ष प्रा मनोहर धोंडे यांनी प्रसिद्धीस दिलेल्या पत्रकात माहिती दिली आहे.हजारोच्या संख्येने उपस्थित राहावे शिवराज भोस्कर शिवा संघटना शाखा नायगाव उपाध्यक्ष 🙏🙏🙏🙏

GMT+2 05:11

About the author

Chief Editor

Related Articles

Leave a Reply Cancel Reply

2025 @ All Rights Reserved Shiv Warta News ---- Website Designed And Developed By NK Web Service Mo : 9665382780